நீங்கள் தேடியது "வங்கியில் பணம் மோசடி"

மதுரை:

மதுரை வில்லாபுரம் வீட்டுவசதி வாரிய குடியிருப்பு பகுதியைச் சேர்ந்தவர் குமரேசன் (வயது 51). இவர் விக்கிரமங்கலம் கனரா வங்கி கிளையில் காசாளராக உள்ளார்.

இந்த நிலையில் அவர் சக ஊழியர் நிரஞ்சனிடம் 169 எண்ணிக்கையில் 2 ஆயிரம் ரூபாய் நோட்டுகளை பெற்றுள்ளார். அப்போது நிரஞ்சன் வங்கி பதிவேட்டில் 69 நோட்டுகள் என்று தவறுதலாக பதிவிட்டு உள்ளார்.

இதனை அறிந்த குமரேசன் கணக்கில் வராத ரூ.2 லட்சத்தை பேக்கில் மறைத்து வைத்துக் கொண்டார்.

இதற்கிடையே வங்கி ஊழியர்கள் சி.சி.டி.வி.யில் பார்த்தபோது குமரேசன் ரூ.2 லட்சம் பணத்தை எடுத்தது தெரியவந்தது.

இது தொடர்பாக கனரா வங்கி மேலாளர் சிவபாத நேசன் விக்கிரமங்கலம் போலீசில் புகார் செய்தார். இன்ஸ்பெக்டர் வனிதா வழக்குப்பதிவு செய்து காசாளர் குமரேசனை கைது செய்து தீவிர விசாரணை நடத்தி வருகிறார்.